२० माघ, बुटवल ।
लुम्बिनी प्रदेश सरकारले प्रदेश स्थापना दिवसको अवसरमा प्रदेशभर सार्वजनिक बिदा दिने निर्णय गरेको छ ।
प्रदेश राजपत्र भाग ३, खण्ड ८, संख्या १५ मा प्रकाशित सूचनाअनुसार मिति २०८२ साल माघ २१ गते बुधबार प्रदेश स्थापना दिवसको अवसरमा लुम्बिनी प्रदेशभर सार्वजनिक बिदा दिने निर्णय गरिएको हो ।
लुम्बिनी प्रदेश सरकारअन्तर्गत आन्तरिक मामिला तथा कानुन मन्त्रालयद्वारा जारी सूचनामा सो दिन प्रदेशभरका सरकारी कार्यालय, सार्वजनिक संघ–संस्था तथा निकायहरूमा सार्वजनिक बिदा रहने जनाइएको छ ।
प्रदेश स्थापना दिवसको अवसरमा बिदा दिने निर्णयबारे सम्बन्धित सबैको जानकारीका लागि उक्त सूचना प्रकाशित गरिएको मन्त्रालयले जनाएको छ ।
सूचना आन्तरिक मामिला तथा कानुन मन्त्रालय, राप्ती उपत्यका (देउखुरी) दाङबाट मिति २०८२ माघ १९ गते जारी गरिएको हो ।
