रुकुम पश्चिममा स्थानीय तहमा कार्यरत रास्ट्रसेवक कर्मचारीहरुले सबै कर्मचारीको न्याय हुने र सबै कर्मचारीले अपनत्व लिने खालको निजामती सेवा ऎन ल्याउन माग गरेका छन । जारी हुने चरणमा रहेको निजामती सेवा ऎन सबै तहका कर्मचारीलाई समान अधिकार र अवसर दिने खालको हुनुपर्ने रुकुम पश्चिमका स्थानीय तहका कर्मचारीहरुले माग गरेका छन । सविधान जारी भएको बर्सौ हुँदा पनि निजामती सेवा ऎन जारी हुन नसक्दा स्थानीय तहका कर्मचारीहरु मारमा परेका छन । निजामती सेवा ऎनमा आफ्ना मागहरू पनि समावेश गर्न माग गर्दै स्थानीय तहका कर्मचारीहरुले चरणबद्ध रूपमा आन्दोलनका विभिन्न कार्यक्रमहरु सार्वजनिक गरेका छन । निजामती सेवा ऎनमा आफ्ना मागहरू सम्बोधन गर्न माग गर्दै स्थानीय तहका कर्मचारीहरुले प्रमुख जिल्ला अधिकारी मार्फत देशैभरबाट प्रधानमन्त्री लाई ध्यानाकर्षण पत्र समेत पठाइएका छन । जनताको सबैभन्दा नजिक रहेर सेवा प्रवाह गर्ने कर्मचारी लाई निजामतीको परिभाषामा समेट्न नखोजेको भन्दै देशैभरका स्थानीय तहका कर्मचारीहरु आन्दोलित भएका हुन । माग पुरा नभए काठमाडौ केन्द्रित सडक आन्दोलन समेत गर्ने स्थानीय तहका कर्मचारीहरुको तयारी छ । यसैबीच रुकुम पश्चिमको चौरजहारी नगरपालिकाका कर्मचारीहरुले पनि कालो व्यानर सहित हातमा कालोपट्टी बाधेर अनिश्चितकालीन बिरोध प्रदशन गरेका छन । साथै रुकुम पश्चिमका विभिन्न स्थानीय तहका कर्मचारी हरुले जिल्ला प्रशासन कार्यालय मार्फत ध्यानाकर्षण पत्र पनि बुझाएका छन । जिल्लाभरका स्थानीय तहका कर्मचारी हरुले जिल्ला संघर्ष समिति समेत गठन गरेका छन । संघियता कार्यान्वयन गर्ने र जनताको सबैभन्दा नजिक रहेर काम गर्ने स्थानीय तहका कर्मचारीहरुलाई सरकारले फरक व्यवहार गरेको भन्दै कर्मचारी आन्दोलित बनेका हुन । निजामती सेवा ऎनको अभावमा स्थानीय तहका कर्मचारीहरु सरुवा बढुवा जस्ता सामान्य अधिकार बाट समेत बन्चित हुन पुगेका छन । ऎनको अभावले गर्दा स्थानीय तहका कर्मचारीहरुले निजामती अस्पतालको सहुलियतपूर्ण सुबिधा लिन बाट समेत बन्चित भएका छन ।
