भूमि ब्यवस्था, सहकारी तथा गरिबी निवारण मन्त्री बलराम अधिकारीले तीन बर्षभित्र भूमि समस्या स्थायीरुपमा समाधान हुने बताउनु भएको छ । भूमि समस्या समाधान आयोगका जिल्ला अध्यक्षहरुको सपथ ग्रहण कार्यक्रममा मन्त्री अधिकारीले मन्त्रालयले भूमि क्षेत्रमा भएका महत्वपुर्ण कामहरुको जानकारी गराउदैं अहिले गठन भएको भूमि आयोग अन्तिम आयोग रहने उल्लेख गदैं आयोगको ३ बर्षे कार्यकालमा भूमि समस्या स्थायीरुपमा समाधान हुने बताउनु भएको हो ।
भूमि र सहकारी क्षेत्रको समस्या समाधान बर्तमान सरकारको उच्च प्राथमिकतामा रहेकाले अध्यादेशमार्फत भूमि ऐन र सहकारी नियमन प्राधिकरण गठन गरिएको उल्लेख गर्नुभयो । संसदमार्फत ऐन ल्याउदाँ लामो समय लाग्ने र समस्या समाधानमा बिलम्व हुने देखेर सरकारले फाष्ट्रयाकमार्फत ऐन ल्याएको स्पष्ट पार्नुभयो ।
भूमि समस्या समाधान आयोगका जिल्ला अध्यक्षहरुलाई ३ बर्षभित्र सबै जिल्लामा देखिएका भूमि समस्या स्थायीरुपमा समाधान गर्ने गरी काम गर्न मन्त्री अधिकारीले निर्देशन दिनु भयो । कार्यक्रममा ७१ जिल्लाका भूमि समस्या समाधान आयोगका जिल्ला अध्यक्षहरुलाई मन्त्री अधिकारीले सपथ गराउनु भएको थियो । पहिलो चरणमा प्राविधिक कारणले सपथ हुन नसकेका ६ जिल्ला र ७७ वटै जिल्लाका भूमि समस्या समाधान आयोगका सदस्यहरुको सम्वन्धीत प्रदेशमै सपथग्रहण कार्यक्रम आयोजना गरिने मन्त्रालयले जनाएको छ । जिल्ला अध्यक्षहरुको विवरण हेर्न यहाँ क्लिक गर्नुहोस भूमि आयोग अध्यक्षको नियुक्ति जिल्ला अनुसार
